البرامج التسويقية Marketing Programs

تعتبر البرامج التسويقية هي الترجمة العملية للاستراتيجية التسويقية واللي فيها يتحول التخطيط الى تنفيذ والفعل.

فى البداية عند تقديم منتج للسوق نقوم بإعداد المزيج التسويقي p's 4 له واللي هو عبارة عن:

المنتج product – السعر price – التوزيع place - الدعاية والترويج promotion، وعند تقديم خدمة للسوق بنضيف (3) عناصر أخرى وهي:

الدليل المادي physical evidence مثل (الموقع الإلكتروني - كروت العمل - جو المكان - نظافة المكان - لبس الموظفين).

العملية الإنتاجية process مثل (مراحل اعداد الخدمه من اول طلب الخدمه وحتى تقديم الخدمة للعملاء).

العاملين بالشركة people مثل (مين الشخص اللي بيقدم الخدمة - مؤهلاته وخبراته وشهادته).

وهنا بنسال نفسنا ليه اسمه مزيج تسويقي وده معناه اننا بنعمل مزيج وخليط من هذه العناصر السابقة بشكل مناسب علشان نقدم المنتج او الخدمه للعميل بالشكل المظبوط مثل: لو ناتج المزيج التسويقي 100% يبقى الشركة هتمزج نسبة من المنتج مع نسبة من السعر مع نسبة من التوزيع مع نسبة من الترويج، وكل شركة بتركز على عنصر معين من عناصر المزيج التسويقي، ففي شركات بتركز على المنتج أكثر وفي شركات بتركز على السعر أكثر وشركات بتركز على التوزيع أكثر.

وأيضا الترويج وهنا نريد ان نفسر معنى كلمة (تركيز) وهى معناها أن العنصر اللي تُعطيله الشركه اهتمام أكبر بيكون نقطة تميزها والمفتاح التنافسي اللي هتنافس به الشركة في السوق وهو اكيد هيشترك بقوة في صناعة وتطوير الصورة الذهنية عند الناس perception، فمثلا شركة تركز على المنتج بتاعها أكثر فهي بكده بتقدم منتج مميز بجودة عالية وبكفاءة هتخلي الناس يشوفوا ان الشركه دي مميزه في المنتج حتى ولو على حساب العناصر التسويقية الأخرى، وبالمثل إذا ركزت على السعر فهو بيكون سعر اقل من المنافسين، أيضا التوزيع لديها شبكة قوية ومميزة من الموزعين سواء وكلاء أو وسطاء او تجار جملة أو تجزئة أو أصحاب حقوق franchises، ايضا الترويج من خلال تكثيف كبير للدعايه في مختلف وسائل الدعاية والإعلان وهكذا.

وفي الواقع ما فيش شركة هتركز على مزيج واحد وتترك باقي المزيج التسويقي وبالتالي تكون شركه فاشله ولكن الشركة هتركز على عنصر واحد أو اثنين بنسبة كبيرة وتعطي باقي المزيج التسويقى نسبة قليلة في التركيز عليه مثال: شركة مرسيدس هتركز على المنتج بشكل كبير وهتركز على الدعاية والترويج ولكن هتلاقي ان السعر عالي وكمان مش موجوده في اي مكان ولها اماكن معينة ومعنى كده ان شركة مزجت عناصر المزيج التسويقي كالتالى مثلا:

• 50 % تركيز على المنتج وجودته وكفائته.
• 30% على الدعاية والترويج للمنتج.
• 15% على مكان بيع العربية.
• 5% على السعر اللي هو سعر عالي.

وبالعكس في المنتجات الصينية في مصر 20 % للمنتج (جودة عادية منخفضة)، 50 % على السعر (سعره رخيص)، 25% على التوزيع (منتشر عند التجار كتير)، 5% على الدعاية (مفيش اعلانات كثيرة).

وفي الشركات التي تقدم خدمات هتركز على p's 7 بالنسب متفاوتة مع إعطاء مزيج مناسب يخدم العملاء، ومما سبق يتضح أن الشركات التي تركز على عنصر أو اثنين يكون لها مصدر قوة وميزة لها مع التركيز بشكل أقل على العناصر الاخرى بحيث يتم إنتاج منتج أو خدمة تحقق رضا العملاء وبالتالي صورة ذهنية جيدة عند المستهلك، وان شاء الله هنتكلم عن كل عنصر من عناصر المزيج التسويقي p's 4  بشكل تفصيلي كلا على حدى:

ما هو المنتج؟

كيفية وطرق تسعير المنتجات

أشكال التوزيع المختلفة

اشكال لترويج المختلفة للمنتجات والخدمات