تعلم طريقة اعداد الاعلان Advertising | تعرف على اهم خطوات اعداد الاعلان 2

تطوير فكرة الاعلان دايما من اهم الخطوات فى الحملة الاعلانية علشان الحملة تنجح ، الفكرة فى الاعلان انه يطلع ويتنفذ عن طريق طرفين مهمين :

الاول : كاتب النصوص الإعلانية copywriter 

الثانى: المخرج الفنى للفكرة Art director

• الطريقة المباشرة : وده اعلان بسيط مفيهوش فكرة عبقرية وكل اللى فيه انه يقدم المنتج ومعلومات عنه ومزاياه وبيسمى اعلان تقديمى او توضيحى .

• اقتطاف شريحة من الحياة اليومية لمستخدم المنتج : وده اعلان مفيهوش فكرة كبيرة ومبيعلمش حاجة غير انه يجيب الشخص وهو بيستخدم المنتج وازاى بيحل عنده مشكلة او بيشبع عنده حاجة مثال موظف بيروح الشغل بعربية مريحة كل يوم وازاى هو بيستخدمها اثناء الطريق.

• ربط المنتج بحالة ذهنية ايجابية (mood) : وفيها بتربط المنتج بحالة مزاجية ايجابية سواء كانت الراحة او السعادة او الحماس ، والفكرة هنا مع التكرار ان الاعلان بيربط اداء المنتج بحالة ذهنية ايجابية بتستقر فى عقول الناس مثال اعلانات نسكافيه وان الموظف صاحى ومزاجه مش رايق واول ما يشرب نسكافيه يتعدل مزاجه او اعلان شيكولاته كادبورى الشعور بالسعادة.

• اسلوب الحياه life style : والنوع ده من اكثر الاعلانات ابداعاً وانتشاراً وبيركز الاعلان اكتر على حياه الاشخاص الى بيستخدموا المنتج وكمان بيلعب على العامل النفسى مثل اعلانات الكمبوندات الى بيظهر فيه حياه الناس فى هذا المكان وكمان اعلانات نايك انه بيصور للناس الى بيستخدم كاوتش نايك هيكون عايش فى عالم الشجاعة والقوة والاصرار والنجاح وكان اعلان بيبسى "عبر مين قدك"اللى بيوجه رسالة للشباب بالامل والتفاؤل والقوة والحماس ....والسؤال هنا ليه الاسلوب ده من الاعلانات بينجح اكثر علشان بيبعد الناس عن مزايا المنتج وبيدخلهم فى مود نفسى حما بيحبوه ونفسهم يعيشوا فيه وبالتالى هيستجيبوا للاعلان بشكل ايجابى مثال: 

• اسلوب الخيال : الاسلوب ده من الاعلانات بيكون صعب شوية لانه لازم يخرج فى صورة مسلية او مضحكة او على الاقل خفيف على اللى بيشوفه علشان ميتحولش الى اعلان غير واقعي مثال اعلان اديداس بيصور ان اللى يلبس الماركة دى هيتحول انه قوى فى الجرى والتحمل - وزى بردو اعلان الجبنة المثلثات ان الولد اول ما ياكل الجبنة يتحول بقدرات خارقة.

• اسلوب الاعلان الموسيقى : وهو إعلان بيقوم على الموسيقى او الاغنية المعروفة والمحبوبة عند كتير من الناس وبالتالى هينتشر المنتج والتفاعل معه عند سماع الاغنية او الموسيقى.

• اسلوب خلق شخصية اعلانية: وده اسلوب الشركة بتستخدمه لابراز الشخصية اللى ابتكرتها مع المنتج مثال اعلان شيتوس بشخصية النمر او اعلان سفن اب زمان بيظهر الشخصية الرايقة.

• اسلوب الدليل العلمى او الفنى: وده بيكون فى المنتجات الى صعب انك تقول على كفائتها باعلان عادى وصعب انك تربطها بعاطفة ايجابية عند الناس فعلشان كدة لازم تعمل اعلان بيقول دليل علمى على جودة المنتج او ارقام واحصائيات عن المنتج مثال اعلانات ديتول - اعلانات اريل وبرسيل وهو بيصور ان الممثل بيدخل جو الهدوم وبيظهر ازاى المسحوق بينضف اصعب البقع او انه يبجيب خبير فى هذا المنتج وانه يتكلم عنه مثل اعلان الشيف فلان وهو بيستخدم محسن كيك فى عمل الكيكة مثلا.

• اسلوب التظهير والتوصية: وهو أنه الاعلان بيجيب شخص يوصى باستخدام المنتج وليه طريقتين الاولى انه يجيب شخص حقيقى مستخدم للمنتج ويتكلم عنه ويوصى به او يجيب ممثل مشهور يعمل الاعلان ولكن الطريقة دى ممكن يكون فيها مشكلة انه الممثل ممكن يقع فى موقف محرج له او مشكلة تاثر على المنتج عند المستهلك فعلشان كدة لازم واحنا بنختار الممثل انه يكون له مصداقية عند معظم الناس وكمان يكون شخصية مناسبة للمنتج اللى هيقدمه مثل اعلانات عبلة كامل لمساحيق الغسيل او للزيت والسمنه كست بيت وكمان نختار الشخصية اللى بتعمل اعلانات قليلة جدا مش اللى بتطلع فى اى اعلان يتعمل وخلاص.

خامسا: تحديد الوسيط الإعلاني:

من اهم القرارات اللي بتاخدها الشركه وهي بتعمل الاعلان اختيار الوسيط الاعلان او الوسيله الاعلانيه اللي بتظهر فيها رساله الشركه الاعلانيه ، ويجب الاخذ في الاعتبار عند اختيار الوسيط الاعلاني لا يتوقف فقط على مزايا وعيوب كل وسيله ولكن

سادسا: شراء المساحة الاعلانية :

علشان نعمل اعلان و يوصل لعدد اكبر للناس لازم يتعمل في مكان فيه زحمه وهنا الشركه صاحبه الاعلان بتروح اما لشركات وكالات إعلانية بتكون وظيفتها هي الاعلان وشراء وحجز المساحات الإعلانية اللي عليها زحمه (مشاهدات عالية)

•  ان الشركه تعمل لكل عنصر في حملتها الترويجية عموما والاعلانية خصوصا رقم اتصال مختلف لكل عنصر، فمثلا لو استخدمت اعلانات الاتوبيس تسيب عليه رقم الناس تتصل عليه ولو استخدمت وسيط  ثاني زي الانترنت تسيب عليه رقم مختلف واذا عملت اعلان في جريده او مجله تسيب عليه رقم اخر مختلف وهكذا وبكده تقدر تشوف وتقيس انهو وسيلة بيجي عليها اتصال وتفاعل من الناس وتعمل حسابها فى الحمله اللي جايه انها تستهدف اكثر في الاماكن اللي بيجي عليها تفاعل واتصال اكثر.
•  او ممكن الشركه تسال اي حد يتصل عليها عن مدى معرفته بالشركه او بالمنتج بتاع الشركة وتشوف انهو وسيلة اعلانية بتقدر تعرف من خلالها انو وسيط بيجيب عواد احسن بشكل اكبر وتعتمد عليها في حماتها اللي جايه.