تعلم طريقة إعداد الاعلان Advertising - الجزء الاول
و نقنعهم به - فنبدا نحدد المستهدفين للمنتج بتاعنا واماكنهم فين ونبدأ ندفع فلوس
علشان نحط الرسالة الإعلانية في الاماكن اللي هم موجودين فيها.
 |
يعنى ايه إعلان وازاى هنعمله
|
فى شوية خطوات بناخدها فى الاعتبار واحنا بنفكر نعمل الاعلان:
1 - دراسة الشريحة المستهدفة.
2 - تحديد أهداف الإعلان.
3 - استراتيجية تنفيذ الرسائل الاعلانية.
4 - تحديد الوسيط الاعلاني.
5 - شراء المساحه الاعلانيه.
6 - تقييم النتائج.
اولا: دراسة الشريحة المستهدفة:
لازم نفهم ونقرر مين هنوجله الرسالة الإعلانية، علشان نقدر نوصل ونطور اعلان يناسب ثقافة وتاريخ ومفاهيم وروح الشريحة
المستهدفة اللي هتشوف الاعلان ده.
هنلاحظ كدة لما نعمل اعلان موجه للطبقه البسيطه واعلان للشباب واعلان عن تكييف او سيراميك
ثانيا تحديد أهداف الاعلان ( الاخبار - الإقناع - التذكير):
هدف الاعلان بيكون بناء على الخطة التسويقية واستراتيجيتها وبرامجها، وعلى دراسة الشريحة المستهدفة اللى هتستقبل الرسائل
الإعلانية، وفي الحالة دي بيكون الاعلان عنصر مكمل للخطة والاستراتيجية التسويقية مش منفصل عنها، وكمان لازم
نفهم إن الهدف الأساسي من الاعلان إنه يعمل عند الناس وعى بالمنتج Brand Awareness .
ومن أهداف الاعلان:
- الإخبار: وهنا نعرف الناس بوجود المنتج وإيه استخداماته وازاي استخدمه، أو ممكن اعمل اعلان الهدف منه تصليح صوره سيئه او اشاعه عن المنتج أو تعريف الناس بمكان توزيع المنتج او سعره.
- الاقناع: وهنا إقناع الناس إنها تشتري المنتج وتدل غيرها على الشراء أو تحول استخدام المستهلكين لمنتجات المنافسين الى منتجات الشركه بتاعتنا.
- التذكير: إن يكون المنتج في أذهان الناس باستمرار ويقولهم انا لسه موجود ومستمر في ظل وجود منافسة قوية وكمان اعلان التذكير مهم للموزعين علشان يطلبوا المنتج باستمرار.
طيب لو الشركه عملت منتج جديد وطورت له خطة كاملة وإستراتيجية وبرامج تسويقية، وهى محتاجه دلوقتي علشان تحدد طريقة وإستراتيجية الإعلان للمنتج الجديد إنها تعرف هي فين بالضبط في ذهن العميل علشان تعمله إعلان مناسب للمرحله اللي هو فيها، بالتالى يناسب هدف الاعلان للمرحلة إللي هو فيها المستهلك.
في (4) مراحل رئيسية وأساسية بيمر بيهم المشتري علشان يشتري اي منتج :
(1) إنه مش عارف المنتج فيبدأ يعرفه.
(2) يبدء ينجذب للمنتج لما يعرف ان المنتج هاينسبه وهايشبع احتياجاته.
(3) انه يفضل المنتج عن المنتجات المنافسين والمنتجات البديلة.
(4) انه يأخذ خطوة للشراء.
وهنا يجى دور الاعلان انه يحط هدفه الاعلاني علشان يناسب كل مرحلة واقف فيها المشتري بالإضافة إلى إن هدف الاعلان
هنا إنه ممكن يفيد كل المراحل دى أو يفيد مرحله معينه وهيساعدنا في النقطه دي نموذج AIDA.
هنا إنه ممكن يفيد كل المراحل دى أو يفيد مرحله معينه وهيساعدنا في النقطه دي نموذج AIDA.
نموذج AIDA
اى اعلان لازم يشمل على الأقل جزء من هذا النموذج والذي يتكون من:
✋لفت الانتباه أو الجذب Attraction :
غالبا هذه الخطوة بتدخل مع الخطوة الى بعدها ولكن فيه شركات بتخليها منفصلة مثال : اعلان يلوبيدجز على المحور "هى الدنيا صفرا كدة ليه" وده اعلان ملوش اى هدف غير انه بيعرف الناس وبيلفت نظرهم للمنتج او للخدمة الجديدة - مثال اخر فى اعلانات التلفزيون بيجيب اعلان يلفت الانتباه وميجيبش سيرة عن المنتج او هو لمين او ايه مزاياه وهو كدة بيشد انتباه الناس ويربط ذهنهم علشان يستنوا المنتج فى الاعلان الى جاى، ولكن هذا النوع من الاعلانات بيكون تكلفته عالية وبياخذ وقت وجهد علشان يتعمل وكمان علشان يتعرض فى اماكن الزحمة.
✋إثارة الاهتمام Interest :
ودى ثانى خطوة بعد لفت الانتباه اننا نقول للناس عن المنتج وانه مناسب ليهم وان الاعلان ده بيكلمهم وكمان ممكن تلمس حاجة need عند السوق المستهدف علشان بيدء يتفاعل مع الإعلان وتتحرك معاه بسهولة للخطوة الثالثة للنموذج.
✋رغبة الناس فى الشراء للمنتج Desire :
فى المرحلة الاولى والثانية من النموذج احنا لفتنا نظر الناس باعلان غريب او جملة او كلمة او صورة او حركة غريبة لفتت انتباههم وبدا الناس يهتموا بالمنتج ومحتاجين المنتج ولكن وسط كل ده فيه منتجات ومنافسين بشكل قوى ومنتجات بديلة اكيد هى كمان عملت نفس الى انت عملته ، علشان كدة الحاجة الثالثة انك تخليهم يشتروا منك طب ازاى هنا بيظهر معانا دور المزايا والمنافع للمنتجات ولكن لازم نفرق بين خصائص المنتج الى هى بتصف المنتج نفسه وبين المزايا والمنافع الى هتعود على المستهلك من هذا المنتج علشان يشتروه وكمان خصائص المنتج بتهم الناس المتخصصين ولكن لا تهم المستهلكين العاديين علشان كدة لازم نوضح مزايا ومنافع المنتج واحنا بنوصف خصائصه ايضا لان هذا الاسلوب مهم جدا فى توصيل اى رسالة ترويجية للمنتج او للخدمة وده السر الحقيقى للاقناع وفيه كمان اشكال اخرى بتعملها الشركات انها بتعمل اعلان فيه مقارنة بين منتجاتها ومنتجات المنافسين علشان تسرع من إقناع المستهلك للمنتجات او الخدمات.
✋الفعل او الشراء Action:
فى الثلاث مراحل الاولى من النموذج خلو المشرى حابب وراغب انه يشترى المنتج ولكن ممكن يكون المشترى فى البيت ومكسل ينزل الشارع يشترى او انه يفكر شوية ويقارن مع منتجات المنافسة وهنا لازم يكون الاعلان بيحث المستهلك على الشراء بوجود عبارات "بادر فى الشراء" او نعمل "عرض مجزى لاول 100 مشترى" او نعمل "عرض بتخفيض السعر لفترة محدودة" او "هدية على المنتج عند الشراء الان" بالإضافة الى وضع تفاصيل وعناوين وارقارم الشركة والايميلات لو فيه خدمة توصيل نذكرها بردو.
ثالثا تحديد ميزانية الاعلان:
عموما الميزانية الترويجية تختلف على حسب المنتج او الخدمة ، ففى منتجات اعلاناتها بتقوم على تكوين صورة قوية فى أذهان الناس زى منتجات السيارات والموبايلات وفيه منتجات تانية بتقوم على الدعاية الاخرى وميكونش اعتمادها الاول على الاعلان زى منتجات الأدوية.
كمان المرحلة الى فيها المنتج على دورة حياة المنتج بتفرق جدا فى قرار الميزانية الى هتحددها الشركة للاعلان فى المنتج المرحلة الاولى واللى بتحتاج ميزانية ضخمة لان بيكون من ضمن اهداف الاعلان انه يعرف الناس ويقنعهم بالمنتج ويحاول ياخذهم من استخدام منتجات منافسة اتعودوا عليها وده مش سهل ، وبعد كدة تبدء شدة الاعلانات انها تخف لما المنتج بيدء يتعرف وينتشر فى السوق لحد ما يوصل لمرحلة النضج maturity واللى فيها الشركة ان المبيعات وارباح استقرت عند مستوى معين وبكدة يتوفر ميزانية الإعلانات الضخمة اللى فى الاول وبتكتفى فقط انها تعمل اعلان تذكيرى للناس فقط .
✋استراتيجية ميزانية الاعلان:
نسبة من المبيعات :
وهنا الشركة بتخصيص نسبة من مبيعات الشركة سواء اللى فاتت او اللى جاية وبكدة تكون حددت الميزانية المطلوبة للصرف على الاعلان بدافع ان الاعلان سبب فى المبيعات فكل ما المبيعات تزيد ناخد فلوس اكتر ونصرف عليها.
الذي يمكن ان تتحمله الشركة :
وده اسلوب بتحدده الشركات الصغيرة او المتوسطة ومش بيكون محدد فيها قيمة معينة للصرف على الاعلانات والمشكلة فى الاسلوب ده ان الشركة ممكن تضيع منها فرص ممكن تظهر قدامها ولكن هى محكومة بميزانية معينة ليها وكمان الاسلوب ده مش بيوضح اهداف ولا نتائج على المبيعات.
الانفاق القريب من اهم المنافسين بالسوق :
هو ان الشركات الكبيرة بتصرف زى بعض على الاعلانات بتاعتها زى بيبسى وكوكاكولا.
ربط الاهداف بميزانية الاعلان :
الاسلوب ده بيكون اقرب وافضل الاساليب علشان نحدد ميزانية الاعلان المناسبة اللى بتكون على الهدف من الاعلان واللى فيه الشركة بتحدد الأهداف التسويقية واهدافها الترويجية وكل عنصر من عناصر الترويج له هدف معين، مثال : لو كان الهدف اننا نوصل لعدد مليون شخص واكتشفنا اننا هنحتاج اعلانات فى التلفزيون والردايو والجريدة وغيرها من الوسائل ولما حسبنا تكلفة كل هذه المصادر لقينا تكلفة الحملة دى هتساوى مليون جنيه يبقى هم دول اللى هنحطهم ميزانية الاعلان فى الحملة التسويقية الى هنعملها.
لاستكمال ملخص الدرس اضغط هنا
ملخص جيد جدا
ردحذفشكرا جزيلا وانتظروا المزيد
حذف