المنتج Product

المنتج هو ترجمة مباشرة للأبحاث اللي عملناها عن السوق وعرفنا احتياجاته واذا اخذنا وقت   كافي في التخطيط والتطوير للمنتج المظبوط اللي هيحقق الإشباع للسوق المستهدف هتكون   نسبة  النجاح للمنتج عاليه جدا.

المنتج يتطور على حسب احتياجات المستهلكين اللي عرفناها من خلال خبراتنا و بحثنا ودراسة السوق.

وهنا هنتكلم عن شوية قرارات مهمة في المنتج لازم ناخدها فى الاعتبار واحنا بنخطط وبنعمل المنتج:

صفات وخصائص المنتج Attributes والتي تتمثل في:

اشكال ومكونات وصفات فى المنتج والتى تشبع احتياجات المستهلكين عن طريق تقديم الفوائد والمزايا فيه واللى الناس عاوزاها ايضا لازم ناخذ فى الاعتبار جودة المنتج وهى ان المنتج يلبي الغرض الذي أنتج من أجله على أكمل وجه.

التغليف والتوصيف packaging & labeling :

التغليف بيكون عنصر مهم جدا في تطوير المنتج بالإضافة الى حفظ المنتجات، ويجب عمل تغليف مناسب وسهل الاستخدام للمنتج عند استخدامه من خلال العملاء بالإضافة الى عمل توصيف للمنتج وهو عبارة عن كلمات أو صور توضيحية بتعطى معلومات عن المنتج أو تشرح طريقة استخدام المنتج وده في حالة المنتجات اللي محتاجة شرح في استخدامها، الوصف ممكن يبقى ميزة تنافسيه كبيرة لو الشركه استخدمته صح مثلا: شركة هتحط وصف المنتج بتاعها ليساعد على بيع المنتجات وكمان ممكن تحط معلومات مفيده تعرض مزايا المنتج وفوائده على المستهلك وممكن تحط وصفات علشان تستخدم المنتج فيها ويطلع بشكل جيد مثل وصفات الطعام وطريقة عملها.

العلامة التجارية Branding:

 وهي اسم او صورة او رمز او شكل او لون او طعم او شعار وكل العناصر دي بتتجمع في   وقت واحد علشان تدي روح وميزة لكل منتج لكي يستطيع العملاء التعرف على المنتج   بسهولة.

  وتعتبر مهمة بناء العلامة التجارية من أكبر المهام في مجال التسويق وده بياخد وقت وجهد كبير جدا   لبناء العلامة التجارية.

 في البداية بنعتمد على الإعلان والعلاقات العامة فى بناء العلامة التجارية وطبعا قبل كده بنحدد   الاستراتيجية التسويقية المناسبة اللى هتكون صورة معينة عن المنتج في أذهان الناس.

 وأول خطوة في الاستراتيجية هي اختيار اسم مميز للمنتج ولازم يحمل صفات زي انه يكون سهل   ينفع تفتكره بسهوله - unique - بيقول حاجة عن المنتج - سهل تسجيله في حقوق الملكية -   مالوش شبيه في بلاد تانيه خصوصا البلاد القريبة منك اوالتي تتكلم بنفس اللغه ولو ترجمت للغة   أخرى لا تعبر عن شيء سلبي.

 أساليب اختيار اسم المنتج:

اختيار اسم يعبر عن وصف المنتج مثل (برجر كينج) أو (بيتزا هت) وهو سهل تسويقه لأنه يعبر عن نفسه وعن فكرته ولكن ممكن تلاقي صعوبة في تسجيله لانه ممكن يتعارض مع أسماء متداولة شبيه له في السوق وكمان صعب انك تلاقي اسمه على الدومين علشان تعمل موقع الكتروني بنفس الاسم.

اختيار اسم لا يوجد له معنى في القواميس زي Nike – Amazon  - Yahoo ولكن تحتاج هذه الأسماء لمجهود علشان نقدر نربطها بالمنتج أو الخدمة وكمان تكون في أذهان الناس وتعبر عن مزايا وفوائد المنتج لما نسمع اسم المنتج.

وكمان فيه ميزة من الأسماء الغريبة انها تكون سهلة في الامتداد وزيادة في انواع المنتجات والمنافع والمزايا مثل شركة أمازون في البداية كانت تبيع الكتب والان تبيع كل حاجه، والنوع ده من الأسماء يسهل وجود له اسم لموقع الكتروني.

ايضا ممكن نخترع اسماء المنتجات زي الاختصارات ناخذ كل حرف من كل كلمه ونعمل بيها اسم او اننا نسمي المنتج باسم شخص زي مصمم الأزياء، ولخروج الأفكار والاسماء يمكن اتباع طريقة العصف الذهني مع فريق العمل واستخراج جميع الافكار والاسماء التافهة او المميزه و لا تقلل من اي فكره في البداية خذ كل الأفكار الناتجة ثم اعملها تقيم وفلتره وتصويت مع الفريق علشان تطلع باسم وفكره مدروسة كويس، ويوجد مواقع الكترونية يمكن من خلالها استخراج اسم للمنتج او الخدمة عن طريق إدخال بعض الكلمات المعبرة عن المنتج أو الخدمة ثم يستنتج اسم مناسب لما تم إدخاله ومن هذه المواقع ما يلي:

dotomator

namelix

 خدمة ما بعد البيع والدعم للمنتج:

 أي منتج بياخذ (3) مراحل وهو تطوير او ايجاد المنفعة و الميزة الأساسية لإشباع احتياجات المستهلكين ثم عمل شكل ولون وتغليف واسم للمنتج علشان يكون مميز في السوق وبعدين هنا بنضيف مجموعة من الخدمات التسويقية على المنتج مثل: الصيانة – التركيب - الضمان للمنتجات، ولازم لخدمات دي تقدم بنظام سعر معين حتى لا تؤثر على أرباح الشركة وفي نفس الوقت تحافظ على إشباع أكبر للعملاء لمنتجات الشركة.

دورة حياة المنتجات

 مرحلة تطوير المنتج:

 ودي بتكون اهم مرحله للمنتج ولازم تاخذ وقتك كله في الدراسة والتجريب لانتاج منتج جيد وحاول تعرف السوق صح (المستهلكين) وتشوف رأيهم في المنتج قبل ما تنزله وممكن نسمى المرحله دي مرحله الافكار علشان المنتج بيكون مجرد فكرة.

مرحلة التقديم:

 في المرحلة دي الشركة تقوم بتحويل الأفكار الى منتج يشبع احتياجات السوق (المستهلكين)، وهناك خيارين للشركة وهو ان يكون المنتج تحت تصرفات السوق والعملاء وتنتظر لحد ما الناس يعرفوا المنتج و يتعودوا عليه وتحاول تخليهم يتكلموا على المنتج وهنا المبيعات في هذه المرحله مش هتبقى كبيرة في الاول.

او اننا نستخدم الدعاية المكثفة جدا intensive promotion وهو ان الشركة تحط الرسالة الإعلانية في كل مكان تتخيله وده بيحقق مبيعات وأرباح بسرعه.

مرحلة النمو:

 ودي المرحله اللي لازم الشركه تفهم كويس و تكون محضرة خطة تسويقية محكمة لاستغلالها وبالتالي الشركة هتبدا تصرف أكثر على الاعلانات بكل اشكالها علشان تستغل مرحلة الزخم واللى بيكون المنتج فيها بدأ المستهلكين تعرفه وبالتالي المبيعات بتزيد ومعها العوائد والأرباح واسيا التكاليف هتقل شوية على الشركه، ولازم فى هذه المرحلة استمرار في الصرف على الدعايه والاعلان علشان تستغل الفتره دي واللي بيكون فيها انتشار واسع للمنتج واستعماله من قبل المستهليكن بشكل كبير ومتسارع.

مرحلة النضج

وهنا بيبقى السوق والمبيعات في ثبات وتشبع وهنا لازم الشركة تقوم بتطوير مستمر في المنتج مع محاولة جذب شرائح سوقية جديدة لها.

مرحلة الانحدار

وهي المرحلة دي بيكون المنتج بيضعف وينحدر وهنا لازم الشركات تأخذ مسارها في ايجاد تطوير في منتجاتها لكي تتماشى مع احتياجات متطلبات السوق ومواكبة التكنولوجيا علشان متعملش زى شركة نوكيا.

خط المنتجات product line :

وهو ان الشركة تقوم بإنتاج مجموعة من المنتجات مشابهة او لها علاقة ببعض باسعار واشكال وجودة مختلفة وهناك اختلاف بين خط منتجات و مزيج المنتجات وهو أن مزيج المنتجات يقوم بإنتاج مجموعة مختلفة من المنتجات مثل البان منتجات غذائية - مساحيق تنظيف - ماكينات طباعه وخلافه، اما خط المنتجات بيبقى زي انتاج منتجات الألبان والأجبان ومشتقاتها.

وسبب ان الشركات التي تنتج خدمات أو منتجات متقاربة و متشابهة علشان تدخل قطاعات وشرائح ثانيه في السوق علشان مش هتقدر تعمل كده بالمنتج الحالي لوحده اللي اخذ وضعه والناس عرفته بشكله وسعره وجودته، كمان الشركه بتعمل كده علشان تسد الثغرات على المنافسين وتزيد من وجودها في كل الشرائح السوقية الممكنة.

وفي شركات بتعمل نفس المنتج باسم مختلف وسعر مشابه علشان تزود نصيبها السوقي الكلى مثل منتجات (بروكتر اند جامبل) – (هنكل) وممكن الشركه تعمل نفس المنتجات باسعار اقل او على من المنافسين بجودة مختلفه علشان تقدر تغطي كل السوق وتدخل في مناطق ثانيه علشان تحمي نفسها من اي منافسه تدخل عليها في نفس المنطقه او تضيع عليها الفرصة.

وكمال يفيد التنوع في الأسماء لنفس المنتج لنفس الشركه انها يكون لها فرصه كويسه تكون في جميع نقاط التوزيع وعلى رفوف الهايبر ماركت والموزعين والتجار وايضا المنافسة ممكن تكون على شرائح سعرية أعلى أو أقل زي ما شيبسي عملت اكثر من منتج باسعار رخيصه أحجام مختلفه.

وممكن الشركة تواجه أخطاء في منتجاتها مينفعش تصلحها وتنزله بنفس الاسم تانى الافضل انها تنزل منتج جديد باسم جديد علشان تشيل الانطباع السلبي عند المشترين.

وممكن شركه تلعب على إنتاج منتج أساسي ولكن بسعر منخفض و تقوم بإنتاج منتج مكمل له متغير ويطلب باستمرار مثل شركات الطباعة تنتج الطابعة باسعار قليلة و تقوم بإنتاج الاخبار اللي من غير الطابعه لا تستخدم وهنا قدرت تكسب أكثر من المنتج اللي مطلوب باستمرار علشان المنتج الاصلي يشتغل وزي شركة جوجل علشان الموقع يكون في أعلى ترتيب لازم تخلي لها إمكانية الدخول للمواقع دي وتفحصها وتعمل تقارير عنها ومراقبتها علشان تكون دائما شغاله والناس عاوزاها.

مقالات قد تهمك ايضا

التسعير

التوزيع

الترويج