العملية التسويقية Marketing process
فى البداية لازم نفهم ان التسويق هو الاساس فى كل شئ للشركة لانه بيدخل فى أنشطة الشركة من بداية خطوة البحث عن المستهلك واكتشاف وتلبية حاجاته ورغباته ثم الاستمرار فى تقوية العلاقات معه والحفاظ عليها لمدة طويلة.
وتقوم العملية التسويقية من خلال 4 خطوات رئيسية وهى كلاتى :
تحديد احتياجات السوق (السوق نفسه وما هو ؟ + تحديد احتياجات العملاء):
وذلك من خلال الأبحاث التسويقية يتم جمع كل معلومة ممكنة من أصغرها لاكبرها عن السوق (المنافسن) اللى هنكون موجودين فيه والبحث عن الفرص والتهديات علشان نقدر نحط صورة واضحة عن السوق وكمان نحدد الاحتياجات اللى المستهلكين عاوزنها علشان يشبعوا حاجاتهم واللى الشركة هتلعب عليها صح وهترجمها لمنتجات وخدمات مربحة ليها و للسوق .
وضع الاستراتيجية التسويقية:
وهنا نقوم بوضع الاستراتيجية التسويقية واللى بيحطها رجال التسويق اللى عندهم خبرة كبيرة وفيها الشركة هتحدد نوعية العملاء اللى هتخدمهم - وازاى هتقدر توصلهم وتخدمهم باحسن شكل ممكن وفى حدود الإمكانيات الموجودة للشركة.
فى الاستراتيجية التسويقية بنقوم نتقسم السوق لشرائح سوقية مختلفة حسب عوامل ومعايير كتيرة وهتقدر تخدمها كويس فى حدود امكانياتك، وبعدين تبدا تستهدف الشريحة اللى اخترتها وتطور كل جهودك علشان تخدم الشريحة دى وبعد كدة تكوَن صورة ذهنية معينة فى اذهان الشريحة دى عن منتجاتك او خدماتك علشان او ما يشوفوا اويسمعوا عن المنتج تجى فى دماغهم على طول .
وضع البرامج التسويقية :
وبعد كدة تحدد ايه البرامج التسويقية اللى هتشتغل بيها الشغل العملى والتى تشمل – المنتج وتطويره بشكل مميز – التسعير المناسب له – التوزيع المناسب وكيفية الوصول للمستهلك بشكل سهل وسريع – تحديد الوسائل الترويجية المناسبة واللى بيها هنعرف الشريحة المستهدفة عن المنتج او الخدمة بكل الطرق الممكنة.
إدارة العلاقات المربحة مع العملاء (PCR):
وفيها بيتم التعامل درجة عالية جدا من الاحترافية مع العميل وفيها بتعمل الشركة نظام كامل يخدم العميل فى كل نقطة بتتعامل الشركة مع العميل فيها لان قوة وجودة خدمة العميل أصبحت تمثل من ضمن المزايا التنافسية التى تميز الشركات عن بعضها.
 |
| مراحل العملية التسويقية |
ولفهم العملية
التسويقية يجعلك قادر على إعداد الخطة التسويقية بشكل قوى لانك هتعدى على نفس
الخطوات تقريباً ، هتبدأ بالسوق ومعرفته، ثم هتدخل فى الاستراتيجية التسويقية بما
فيها تقسيم السوق واستهداف الشريحة المناسبة ثم هنعمل البرامج التسويقية وفى الاخر
ممكن نشوف فيها شوية امور مالية زى الميزانية التسويقية وكمان ازاى نقيس كفاءة
ودرجة وجودة التزامك بالخطة.
مقال جيد جدا
ردحذفبصراحة شرح مختصر ومفيد
ردحذف